الحب خد وهات
مش نحكى فى حكايات
بلغ قلبك سلامى
وقول ياعينى نامى
اصل حبيبى جانى
وقالى حبك ده بات
فى قلبى من زمان
الحب والحنان
دوله هما ثروتى
وتحويشة زمان
كان نفسى فى كلمه منك
انك تيجى تقولى
انا شمسك وضلك
ماتيلا حبيبى قولى
حقولك ع الطريقه
تيجى وتحكى الحقيقه
وهى انك انت
مالك قلبى ياخلى
خليك ف القلب حبه
ده انت اغلى الاحبه
والقلب شاور عليك
وبصلك وقالى
قال ان انت حبيبه
وقدره كمان ونصيبه
ولاحيقدر يصيبه
الا سهمك تملى
سهمك رشق ف قلبى
وبان المستخبى
ده انا ياما داريته
نفسى انت اللى تقولى
ماتقول احكى وفضفض
ولا لقلبى حترفض
وتيجى لعندى وتعند
خليك جنبى تملى
***************
بقلمى/راوية حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.