ماتيجي نحسب الحسبة
وشوف راح هتدفع كام
بلاش النفخ ف القربة
لا تخر فوق دماغنا سخام
يا7يني ع اللي نابنا وصار
عطلنا ف اول المشوار
نفسنا ليه انقطع بدري
ومين داس للمكافي زرار
نقوم نرجع نقع تاني
بيجري ورانا فسخاني
بيعمل من النتانه عصير
فنشرب وصوتنا حياني
قلب الحلال لينا حرام
سوادنا كله مر ف عام
نفخونا بإسمك يا كورونا
ارجل مافينا اسمه غلام
حنين ناقصله مصاصة
مغرقنا ف ضهرنا رصاصة
كان القرش صبح قراميط
ما ياكلش الا ف نجاسة
مفيش خطة ف علم الغيب
ومن قوتنا نشق الجيب
هترفض فتاوي مرصوصة
ماحيلتي توب بيستر عيب
عربجي شادد ف اللجام
ع القرف نقول فونضام
العمي صايبنا ليه جدا
ينكلنا بشوق وغرام
يا دكر البط خلاص إتبط
سماحة غش براءة قط
مستأسد بس علي الغلبان
مستأنس لمن ف جيبك حط
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.