همسة حب
🌹🌹🌹🌹
هنا فى نفس المكان
على شاطئ زمان
عشنا أحلى السنين
يوم حب..ويوم جنان
هنا فى نفس المكان.....
🌹🌹🌹🌹🌹🌹
أول مرة هنا
لقينا نفسنا
وبحنا بحبنا
بالحب والحنان
وف كل لحظة حلوة
فى دمعة او ف غنوة
القى نفسي هنا
هنا فى نفس المكان........
🌹🌹🌹🌹🌹🌹🌹
ياما بنينا زمان
فى عش حبنا
وطرنا فوق سحاب
و كتبنا عهدنا
وتشهد النجوم
واحنا فوق السما
مهما تعدى السنين
ولو مليون سنة
قلبك ساكن وانا
هنا فى نفس المكان......
🌹🌹🌹🌹🌹🌹🌹
شفتى ازاي السنين
حكمت ...وبقينا فين ؟
فرقة وليلى الحزين
هو الصاحب لنا
بعد الوصل الجميل
ايام حزن وعويل
وسنين هجر وهوان
بعد ماعدى الزمان
هنا فى نفس المكان......
🌹🌹🌹🌹🌹🌹🌹
فكرنى قلبى بيكى
وبكل ذكرى ليكى
ودموع مالية عنيكى
وازاي كانت هنا
نهاية حبنا
وفراق مليون سنة
بعد ماحكم الزمان
هنا فى نفس المكان.....
،🌹🌹🌹🌹🌹🌹🌹
حبيت افكرك
انى قلبى اتظلم
ولاشيئ اندم عليه
بعد حياة الألم
من غيرك ابقى ايه
ذكرى..وحب ..وعدم ..
باقية طول الزمان
هنا فى نفس لمكان .....
🌹🌹🌹🌹🌹🌹
من شوقى كل يوم
ألقى نفسى هنا
المح طيفك يقول
وأردعليه ...أنا
على حبك هاأعيش
ولو مليون سنة
وهاآجى كل يوم
واجدد عهدنا
مهما طال الزمان
هنا فى نفس المكان .....
🌹🌹🌹🌹🌹🌹🌹
كلمات
يوسف الخواجه
باريس
1994
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.