( مش هآمنله تآني )
مين غيَّرَ حالك حبيبي وخلاك قآسي بالشكل ده
وبعد ماسكنت دقات قلبي تتعبني وياك ليه كده
وانت ياقلبي سامحني خليتك تعاني كتير في حبه
وخبيت عليك كتير قسوته و جفاه وظلمه
وخليتك تناديه حبيبي.غصب عنك.في كل دقاتك
وياما اترجيتك ياقلبي واقولك اصبر علي احبابك
مكنتش اتصور يوم حاله يتغير كده ويقسي
وتتبدل حنيته.لأسيه وحيره ولهوايا هينسي
فين حبيبي اللي كان..حبه مالي الدنيا عليا
وازاي يهون عليه أعاني منه وهو نور عنيا
تعالي ياقلبي نشكيه لليل اللي كان شاهد علينا
وياما بوحنا واشتكينا منه لما كان بيجافينا
ومين غير الليل ياقلبي يصعب عليه عمايله فيا
يمكن يسهروا ويسرق النوم من عينه ويعذبه لغدره بيا
يخسارتك ياحب إشترينا وباعنا وقربنا هجرنا
ويوحشنا يغيب مايسأل ولا من اشواقنا يرحمنا
ليه يعمل كده فيا وهو حبيبي ولقلبي فرحته
وليه يغدر وانا اللي وفيت واخلصت في محبته
كان قلبه طيب والدنيا جميله وحنيته مخوفه قلبي ومحتار
ولما هجرني وراح خلا دنيتي عذاب ومرار
والفكر لييه خدني وحيرني ليل ونهار
مش هسامحه ولا هنسي عمايله بعد ماخلاني أنهار
حتي لو جاني يترجاني وعلي ظلمه يبكي ندمان
مش هآمنله تاني حتي لو كان قلبه. مليان حنان
خواطر ( اشرف الدغيدي. )
حقوق الملكية محفوظة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.