مشكلة
ــــــــــ
مشكله هو حب ولا ايه
ليه انا مهتم اوي بسيادته
ديما عيوني بتحادي عليه
وانسى الدنيا كلها لما يعدي
ولما بيكلمني معرفش بيقولي ايه
ما اعرف غير انه سرقني من الحقيقه لحلمه
بحاول اسمعه بحاول افهمه
لكن في صوته موسيقى تعزف الحان تغيبني
طيب اخرة دا كله ايـــــــــــــــة
دلوني ياناس انا مشتاق ومش بيدي
يا اميرة القلب والهوى
يا دنيا اتبنت فيها الرقة والجمال سوى
انتي حاسه بيا
ولا لغاية دلوقتي
ما فهمتي
.
دي اكبر مشكلة
انا شوقي ليك عد السما
ويلف حواليك وانتي مش هنا
والصبر طفح من كاس سكوتي
وانا دايب وبخبي وما قدر اتحمل
لهيب وشوقي
عاوز اصرخ و اقولك بحبك
عاوز اغني والدنيا كلها تسمع صوتي
وانا قلبي معاك في مشكلة
ـــــــــ
تحياتي
ايمن ابو خالد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.