طير الحرية.......بدرالدين احمد

طير الحرية

سيبني اعطيني حريتي
حل الباب لقفصك خير

لا هو داري لا هو بيتي
عصفور وعندي ضمير

ربي خلقني نعيش حيلتي
وين نحب نعلي نطير

علاش تتحكم في حركاتي
حابسني في قفص صغير

نعلي نخفق بجنحاتي
ونبني عش فوطن كبير

نمشي نطير نشوف خواتي
ربي حرم. حبس الطير

ما نحب نعيش بزيوانك
ماكلتي قمح مع شعير

نعديها بحور مع وديان
نشرب من جاييت البير

وين ظلام علي الليل
ثمة وطني علاش نحير

نمشي نافشهم ريشاتي
لا جواز. ولا تأ شير

واللي يسهلني على حياتي
نقله نعطيه التفسير

انا الصقر ولي خواتي
في وطني العربي لكبير

بدرالدين احمد تونس