سيبينى أحلم ........بقلم الشاعر الغنائى .. محمد البريمى ..

شعر غنائى ..
((( سيبينى أحلم )))
سيبينى أحلم سييبينى .. ليه تصحينى من حلم جميل ..

ونا كنت عايش ف الجنه .. و الليل لسه طويل ..

هو الحلم كمان مش ليا .. مستكتراه ليه عليا ..

كل م أحاول أمسكه بإيديا .. تقوليلى لا دا مستحبل ..

سيبينى أحلم سيبينى ..

سيبينى أفرح و أتهنى .. و أعيش معاكى يومين ..

هو يعنى يبقى حرام .. لو أدلع حبتين

كل م أفكر أبلغ منايا .. ألاقى عزولى جى ورايا ..

و إنتى تقوليلى إبعد عن سمايا .. و شوف طريقك فين ..

سيبينى أحلم سيبينى ..

سيبنيى مره أبص لفوق .. من نفسى و أعيش حياتى ..

و أكتر م الحنين و الشوق .. و أكتر من آهاتى ..

كفايه اللى شوفته زمان .. م الأهل و الخلان ..

ونا محروم من الحنان .. و إنتى عمرى و حياتى ..

سيبينى أحلم سيبينى ..

كام مره قلت بحبك .. و أكررها تاتى و تانى .

و ألحن فيها و أغنى .. و إنتى مش سمعانى ..

عايز أقرب أكتر منك .. عشان مقدرش أستغنى عنك ..

غلبت أنا من سوء ظنك .. و غلبت فيكى أمانى ..

سيبينى أحلم سيبينى ..

بقلم الشاعر الغنائى ..
محمد البريمى ..