ولا يهمك"""""" الشاعر سامى محمد

ولا يهمك

ولا يهمك
شوقينى أكتر شوقينى
ولا يهمك
عذبى قلبى واجرحينى
هى عادة ولا هتشتريها
توعدينى بالسعادة ومنى تخديها
وتوهمينى بالحب وعيوني تعذبيها
ما أنا يما شوفت منك
ولا يهمك .. ولا يهمك

بتستهزقى بعواطفى وتلعبى
لا بتتهدى يوم ولا بتتعبى
وسيبانى لوحدى فى لليل غبى
كل ده علشان بحبك
ولا يهمك .. ولا يهمك

وأنا إيه بس اللى قلبى مستنيه
ما أنا طول عمرى كدة
لا بتحنى يوم ولا بتحسى بيه
ودايما" متجاهلة ومتعندة
بتقوليلى بحبك وتوعدينى
وفى لحظة عنك بتبعدينى
هو يعنى انتى قاصدة تعذبينى
ولا أمرى خلاص مبقاش يهمك
ولا يهمك .. ولا يهمك

ساعات بشوف الحب فى عنيكى
وساعات بموت من الخوف
لما بلاقى قلبى بين إيديكى
وقلبك عليه مش ملهوف
بس قوليلى حكيتك ايه معاية
هو إستهتارك بقلبى ملوش نهاية
ولا حبك ده تمسلية ورواية
لغاية ما تنولى اللى يهمك
ولا يهمك .. ولا يهمك
"""""""""""""""""""""""""""""""""""" الشاعر سامى محمد