عادل جاد
هو .... ده
********
العمر بيجرى الشعر شاب
حياتنا عذاب فى عذاب
حد يقدر يرجع إللى فات
مين يقدر يرجع إللى مات
حد يقدر يرجع تانى شباب
آه إللى طمع ف الدنيا خاب
محدش عمل للآخرة حساب
محدش خاد ليها بالأسباب
تخالطت خلاص الأنساب
الزناة لينا مفخرة وأحباب
قلوبنا من الحق خراب
عدنا جماعات وأحزاب
كل حزب فاكر نفسه ملاك
وهو ماشى فى سكة هلاك
أحسن منه والله الكلاب
عامل لغيره آرهاب
قتل البشر زى قتل الذباب
الحق ف الباطل داب
الكل فى الفحش بات
شعارنا حب الذات
الهوى والملذات
الكويس فهلوى ونصاب
ف الميه العكرة بيصطاد
منتظر أيه يبقا لينا حصاد
غير شرب المر كاسات
هو ده حال بلادى
كل واحد عايش فى وادى
الكل بيئن وينادى
العرب بقوا لبعض أعادى
الزمن بيلف ويدور
المسلم م المسلم بنفور
المسلم ع المسلم بيجور
الأقصى يئن مأسور
محدش علبه حتى بيثور
محدش عليه غيور
حاله من حالنا مش منصور
أمتى هتدق لنصرنا الطبول
القلب بالهمة كسول
الصدر بحب الدنيا معلول
القرآن موش بيه معمول
هجرنا هدى قدوتنا الرسول
البشر بالدنيا مغرور
بنعم ربه كفور
أختار الظلام ساب النور
الكل بيعلى ف القصور
آخرته م الدنيا مقهور
نهايته فى التراب مدفون
بقا من سكان القبور
حياة الدنيا وهم وزور
*****
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.