التعاون
عدت الهوجه ولالسه
الناس برضه لسه خايفه ؟
على العموم أخدنا درس كبير
في أحداث علاجها التفرق
زي حدث كورونا الخطير
لجل العدوى متتوزعش
وأحداث تانيه عايزه التجمع
زي حدث الإعصار والأمطار
واللي يتطلب تعاون كبير
خلق التعاون مهم كتير
القوي يشيل الضعيف
والخفاف يساعدوا التقيل
أصل الميه مبتفرفش
مابين القوي وبين الضعيف
ومابين الخفيف وبين التقيل
فيه ناس تجاوزت العدوى
وساعدت لإنقاذ الغريق
والأخد بإيد الضعيف
وإبعاد الأذى عن الطريق
ونسيت موضوع كورونا
لأن الإنسانيه
الفيروسات مبتقدرش عليها
وإرادة البشر أقوى من الرضوخ ليها
وخلق التعاون مالوش مثيل ...
أسامه عبد القادر أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.