**** زمن فيه العجايب **
=========================
قصيده للشاعر // على عبد الرازق صالح احمد
المعصره / الفتح اسيوط
============================
زمن فيه العجايب
لا.. فيه معيوب وعايب
لا رحموا فيه صغير
والا وقروا اللي شايب
معاك فلوس ياخالي
هتلاقي اللي يحبك
وليك فــ الحب نايب
إما لوكنت فقري
والله لو كنت عالم
هيلعنوا سلسفينك
ومهما تبقي حاضر
هينكروك يقولوا
عند اسمك انه غايب
زمن فيه العجايب
هتصلي او تصوم
هتبقى وش شوم
فقري وهيبقى شكلك
وش الغراب وبوم
وآه لو كنت شارب
هيقولوا عليك محارب
عامل دماغ مصحصح
ويقولوا عليك مبحبح
ومش متعوس وخايب
زمن فيه العجايب
==============
بقلمي / على عبد الرازق صالح احمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.