قالوا يا شاعر اوصف لنا المصريه
احتارت القلوب في حبها الصبيه
قلت زي البدر هي مضويه
زي النهر تروي بكل حنينه
زهره منسيه
عطرها مسك وريحان
نبض قلبها عزف وألحان
العود مشدود فارس خيال
حبها يزلزل جبال
جدعه وحماله اسيه
بنت بميت راجل المصريه
ضحكتها سكر معقود
في حسنها القلب يثور
لأجلها تعدي بحور
حوريه مصريه
في حبها تصبح مسحور
رأسها عاليه دائما في السماء
صفاتها عزه وكبرياء
نظره من عينيها السوده
تشفي القلب العليل
بعد طول عناء
لمسه ايديها تداوي الجروح
الشفايف شهد امامها
تنسي الروح
وتعيش معاها الفرحه بكل الالوان
تسكر دون خمر تجعلك
في حاله هذيان
غلبت كل بنات حواء
في السحر والجمال
في الدلع غلبت الامركنيه
وفي الدلال تتعلم منها الفرنسيه
سبحان من خلق وصورها الصبيه
غيرتها بركان وحبها إدمان
واوعي تجرحها بكلمات
في كل جرح في قلبها علامه
ومش بتنسي
لا بترد الآهانه
زي الأرض الطيبه
ترويها تزهو لك الحياه
تهملها تنسي الفرحه
وتعيش في الآهات
حياتك تصبح أشجان
حيره ووحده وحرمان
بنت النيل ازاي اليوم اوصفها
بكلمات وهي الحب والعشق
هي أجمل الصفات
بقلمي #بسمه_احمدملكه الرومانسيه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.