ماتتعشمش
بعتت جواب بعنيها
جواه ماتتعشمش
حتي الصباح جه
علي ورودي ماردتش
عيونها اللي اتلونت بالحب
واخدت وياها نبض القلب
النني من جواها ناداني
ليه عايز يبعدني تاني
والحنان اللي. اتفرش عالرمش
كنت فيه مغشوش
ولا واهم وما صدق
وشاف حلمه اللي
امله كان يتحقق
يا اهل الهوي يا أطبه
فسرولي جواب الاحبه
الفكر في سكراته
ولسه مافهمش
يعني ابعد واقتل جوايا حنيني
وتفارقني الروح
وتحلف تاني ماتجيني
ولا انسي كلمتها
عادي ما انا حبيتها
يمكن وقت ضيقه
وفكت عليا خنقتها
حد يقوللي
العقل راسم البعاد
والقلب رافض ماسلمش
وانا بين الاتنين
في اه وانين
عين بتنادي عليها
بعلو الصوت
والتانيه دمعها
نزف حد الموت
واشتياقي بياخر خطوته
ويقدم بدالها 100
واللهفه سايقه النبض
وبتؤمره كل ثانيه
روحلها ضمها
يمكن ماتقصدش
يا اهل الهوي ويا اطبه
فسروا جواب الاحبه
يعني ايه ماتتعشمش
يعني ايه ماتتعشمش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.