انا بيقولوا عليا كبرت
حقا صدقا ايوه كبرت
لكن قلمي لسه شباب
عمر السن في قلمي ماعجز
اوعي يغرك. شعري الابيض
شعري بيقراه كل السن
خدها نصيحه مني وجرب
عيش اللحظه
كأنك لسه تحت السن
بكره انساه
شايل همه ولسه ماجاش
رزقك موش علي حسب السن
مش بيقول الأب لأبنه
انت كبرت ف نظري ياواد
لما بيعمل. شئ لله
أو بالخير بيمد يداه
يعني كبرت
ايوه كبرت
حقا صدقا ايوه كبرت
لكن قلمي لسه شباب
حافضل اكتب
طول مانا عايش
انا بتحدي بقلمي السن
واوعك ترمي الفوطه
ف حلبه
وتقول انا عديت السن
خلي احفادك يشعروا دايما
انك لسه تحت السن.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.