#متقولش تاخد الفقيرة
متقولش تاخد الفقيرة
لجل هتطيعك
ترضي بقليلها
وتصبر في مواجيعك
مش دي الحقيقة
ولا دا الصح صدقني
خاب الصواب
وتاه م الرشد تفكيرك
مش كل واحدة
في نفس الخط راح تمشي
ولا كل من في الغني
تأمن له هيبيعك
لا الفقر منه العيب
ولا عمره كل سبه
مدام عطاء ربنا
لا بإيدي ولا بإيدك
سعيت لرزقك
وخدت بكل أسبابه
وكان نصيبك كدا
ورضيت
كف الغني يطيعك
لكن دا طبع البشر
والطبع متخبي
بذره رماها القدر
والعيلة بتربي
والمجتمع له عادات
منها الكتير سلبي
وبين صراع تقليد
شرقي وبين غربي
الكل له بصمته
تجري في ينابيعك
الفقر ايه فكرته
ومقياسه ايه قولي
هوا قليل المال
والا اللي متعري
والا اللي نحله الجوع
وبصبره متحلي
والا اللي سكن الطين
والسقف متخلي
الفقر مش دا و دا
اسمعلي هحكيلك
الفقر قلة رضا
وقناعة بالأرزاق
وسوء رباية وأدب
مع قسمة الرزاق
والعين على دا ودا
ويا الحسد في سباق
والمطبوعين ع الطمع
ودناءة الأخلاق
ملهمش سكة لشبع
حتي المحيط لو راق
و القصد لو غير كدا
خابت مشاريعك
الرحامنة /فارسكور/دمياط
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.