أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الاثنين، 25 فبراير 2019

أحزان ملونه بقلم .. صبري رسلان


أحزان ملونه 
..................
هتقولي أيه
يا مرايتي أيه 
إنتي السبب ..
في اللي أنا فيه 
عارفه حكايتي وساكته ليه 
دوبتي وهمي في ألف لون
ورسمت بيه كحله وعيون 
شوفتيني أجمل 
مما أكون 
وغروري زاد 
يملا له كون 
ألوان كتير 
ما تخصنيش 
جوايا أييه 
فاضي وما فيش 
ضاع عمري مني في الغرور 
شيفاني انا اميره في قصور 
تجاعيدي بانت 
ليل نهار 
وصحيت على 
واقع ودار 
لا لقيت فيه قصر 
ولا حتى جار 
غير عمري ضاع مني وجار
هتداري أيه يا مرايتي أيه
ده لا كان في بالي 
ولا شوفته ليه
كدبت عيني وصدقت أيه 
صدقت وهم وعشت فيه 
لميت غروري وعمري فات
وكسرت فيكي 
نبضك ده مات 
ما خلاص غسلت 
الوهم راح
رجعت لي نفسي 
وراح اللي را ح 
بقلم .. صبري رسلان

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.