كل مااحاول امنعك
ابعدك
أعيش بدونك
ترجعيني بلمسة ايديك
بنظره واحده
بدمعه واحده تنزل من عيونك
صدقيني من غير قسم
قلبي بهمسك اترسم
فاكره لما خرجتك من جوه ضلعي
لما صنعتك من العدم
لماكتبتك حروف كتيره
لما عزفتك بالنغم
فاكره لما كتبتك بالمشاعر
قبل الورق
لما غذيتك مشاعر
مش بالدم بس
ولا بالعرق
ساعتها حسيت إحساس جديد
حبيتك والله غصب عني
ومن ضلوعي قلبي اتسرق
عايزه ايه
محتاجه مني إثبات
وانا اللي ياما بحروفي
طلعتك من السكات
اوعي تفتكري من غير مشاعر
تنكتب كلمات
أومن غير حسي في وجودك
تترسم لوحات
صدقيني ياملاكي
انت عندي كل حاجه
الاهل والوطن
لمسة حنان وحنية
لما يظلمني الزمن
توبة عاشق مات شهيد
وبشهادته
حطوا مشاعره بالكفن
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.