خلاص
عبدالمنعم عدلى..مصر
خلاص خلصت الحكاية
حكاية ماكنش لها بداية
وردتك ذبلت ياقلبى
وريح عطرك راح
مع ريح الأيام
كنت فاكر
إنك فاضل
لنهاية الحكاية
بدأتها بدموع وأنين
وفى أخر الصف
كنت جالس
بتدندن تراتيلك
وبتشعل قناديلك
وشموعك بتنطفئ
وإنت سارح
فى مواويلك
ومش دارى
ليه الألم الحزين
كنت فاكر إن
القلب سعيد
أتاريه بنزف دموعه
لما إتجرع الألم الحزين
خلاص ياقلبى
خلصت الحكاية
قم وإسدل
ستار الرواية
وخليك فاكر
إن دى مش النهاية
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.