لاجل خاطرك
بعت ناسي
واشتريتك
كنتي عندي
شيئ اساسي
وقلبي بيتك
وليه هجرتي
فاكره إنك انتصرتي
مستحيل الهجر
انه يكون سبيل
وعندي ليكي
ميت دليل
لما كان قلبك عليل
جوه قلبي واحتويتك
كان ساعتها
حزين ذليل
وحضني ليكي
كان بديل
كان امانك
وكل بيتك
وشمتك جوه قلبي حروف
عشقتك بالجسد والروح
فقدت الدنيا والعيشه
وكنتي انتي حلاوة روح
وذنبي إني حبيتك
ولاجل خاطرك
بعت ناسي واشتريتك
وكان تمن الوفا هجرك
وتنسيني وانا فاكرك
حتي نبضي
مات في نبضك
والندم إني هويتك
اوعي تفتكري اني
من غيرك هاموت
والا صبري عليكي
معناه السكوت
كنتي قصه وانتهيتي
كنتي حلم واتوريتي
وانا اللي بايدي واريتك
وانسي انك كنتي قلبي
وقلبي بيتك
لما كان قلبك عليل
وجوه قلبي و احتويتك
وانا كنت سترك
ولاجل خاطرك
بعت ناسي واشتريتك
عبده النجار (لاجل خاطرك)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.