(( لحظة صدق ))
✍🏻✍🏻✍🏻✍🏻✍🏻
في لحظة صدق ,, غرقانة
بتتشبث ,, بقشاية
مع عيوني ,, اللي سرحانه
سرحت ف قصة ,, و حكاية
و بين الصمت ,, و التنهيد
اخدني الفكر ,, راح لبعيد
يفكرني ,, بكلام ,, امي
و انا صغير ,,,!!!
يا واد انت بقيت راجل ,,
و شنبك ,,, لسه بيخضر
فاكر ني كبرت ,, لأ ,, لسه
أنا بخوفي ,, عليك هاقدر
و كنت اسمع ,,, و ابصلها
و اسيبها و اقول ,, انا ماشي
لكن ارجع ,, و احنلها
الاقيها,, تقوللي ,, ما تنساشي
و تضحكلي ,, و تتبسم
و بتطبطب ,, علي كتافي
و تمسك ودني و تقوللي
يا واد اسمع ,, و مهما كبرت ,, !!
بلاش تكبر ,,, علي امك
كلامي معاك ,, بقولهولك
عشان تفهم ,, في ايامك
في ناس بتقول كلام يوجع
و.ناس ,, تحبس ,, في احلامك
هاتسمعني ,, و مهما زعلت اسمعني
انا ربيت ,, و فيك عليت
عشان ماتجيش ,, و توجعني
حنين انت ,, من يومك
و صافي النية ,, بالاخلاص
و بدعيلك ,, تكون عالي
ما بين الناس ,, !!
انا امك ,, و راضيه عليك
بلاش تخزلني ,, في الصورة
و اضحي بعمري ,, لجل عنيك
و اكون راضية ,, و مجبورة
و افوق م السرحة ,, اللي انا فيها
علي صوتها ,,, بيندهلي
ابص عليها ,, ما الاقيها
اتاريها ,,,,,!!!
سابتني لوحدتي و حيرتي
و فارقيتني ,, !!!
خلاص يا ,, امايا جه وقتي
عشان اتمني,,, وادعيلك
و مهما دعيت ,, انا عارف
لا عمري ف يوم ,, هاوافيكي
ولا هاقدر ,, ارد ,, ترابة ف جميلك ,,,!!!
✍🏻✍🏻✍🏻✍🏻✍🏻✍🏻
بقلم الشاعر ✍🏻 ياسر عبد الحميد ,,, !!!
✍🏻 ياسر عبد الحميد ,,, !!!
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.