♥♡♥ حلم بسيط♥♡♥
انا حلمى بسيط
أكون إنسان
فى عهد جديد
من غير تفريق
بين الأنساب
ولا أمتي وفين
ومعاك طب كام
علشان التغيير
حلمى صغير. .......على قد حالى
ومين يا خلق. .....يجاوب لى سؤالى
مين عايش بقلبه سليم
وليه الكل من غير ضمير
شايفين محتاج يا عينى ذليل
على غلبه أهو ساكت
وهيشكى لمين
حلمي بسيط لو ف الإمكان بأيدينا يا خلق نكون في أمان
مش لازم نسكت على ظلم الناس
لو شايف حقك دايماً ينداس
إرفع راسك دى بلدنا ياناس
فيها كتير والخير للكل
متقولش انا مالى. .......خلينى فى حالى
أرفع رأسك فوق فى العالى
زى جدودنا ما رفعوا السد العالي
إحنا كمان هنحمى بلادنا
مش لازم نسكت على أهل الرشوه
إرفع ايدك يالاه وشاور
خلى بلدنا نطيفه يا صحبى
عمر الساكت حقه ما يرجع
ولا هيكون يوم فى العالى
بلدنا جميله مش بكلام
وإحنا معاها كمان جدعان
أيدى بايدك قلبنا واحد
نحمى بلدنا وربنا شاهد
إنها أغلى واحلي مكان
حلم بسيط خليه يتحقق
لما العدل يسود في بلادنا
خلى الفكره دى على بالك
واوعي تكون واقف فى مكانك
احمى بلادك بقلب كبير
خلينا نعيش فيها بالخير
نبنى نعمر حلم بسيط
إهداء لبلدى الحبيبه وشعبها الأصيل
بقلمى وقلبى /نور الحمصاني
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.