دنيا مصالح
*************
ف دنيا المصالح
كل شيء نافع
وصالح
الملح فيها دا يبقي
سكر
مصلح بلدنا قال ايه
بيسكر
والعذب فيها دا يبقي
مالح
تاخد عدوك قال ايه
ف حضنك
توهم جنابه انه
قلبك
بس انت غلك ف القلب
طافح
تلقي الخلايق بكام الف
وش
عامل حبيبه ايو وقريبهم
بس ف قفاهم لغلك
تفش
تضحك عليهم ساعة
الكلام
تبوس ايديهم تلقي
السلام
تبقي مصالحك هي
الامام
ساعة ما تخلص تجلد
ظهورهم وتزيد ف
الملام
وتبقي ف خداعهم شاطر
وفالح
عاوز تعيش دنيا
النفاق
بس انت واهم اذا
كان صاحبها صحصح
وفاق
لما لمرارها كربع و
داق
وكان لنارها برجله
رايح
تسوي ايه دنيا
المصالح
اذا كان ضميرك فاسد
وطالح
واذا كان لنارها ولسوء
قرارها
انت برجلك ساير و
رايح
اسامة الابشيهي
الجمعة 14/9/2018
الساعة 11.16
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.