على لسان مصر
________________
أنا مستحيل انكسر
للغدر والإرهاب
كل اللى باعنى خسر
وانا عمرى كله شباب
يا اهل النجوع والمدن
رسم الأعادى المحن
لكن أخرهم كفن
وحساب عسير وعذاب
الأرض للصامدين
يحموها م الخاينين
ولا عمرنا يا ظلام
هنعيش ف يوم خايفين
وبقول لكل البشر
مهما تكون أسباب
لازم فى يوم هنتصر
دانا مصر يا أحباب
وانا مستحيل انكسر
للغدر والإرهاب
_________________
أنا مستحيل اعترف
بعيون ما تعرف دين
ولا عمرى يوم هنجرف
وامشي ورا الظالمين
واسأل يا جاهل يوم
ياما هزمت هموم
ولا خفت مرة غيوم
ولا بعت للطامعين
الطفل عندى بجيش
يحمى الحمى ويزيد
صوتك هنا يا عريش
بيقول قلوبنا حديد
يا قلوب ملاها الشر
بينا وبينكو حساب
لازم تشوفوا المر
وتعيشوا خوف وضباب
وانا مستحيل انكسر
للغدر والإرهاب
_________________
شعر /محمد الشرقاوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.