{حِكْمَة عَجُوز}
اِسْمَع ياابني كَلامِي لِلأخِر
اِسْمَع مِنِّي وِخَلِّيكْ فاكِر
إنْ اِلدُّنيَا مُشْ هَتدُوم
جِسمَكْ سَاتُرُه بَسْ هُدُوم
هُمَّا يومِين يادُوب وِتسَافِر
اُوعَى تِزَعَّل أمَّكْ واُختَكْ
اُوعَى تِهِينهُم لاجْل حَبيبتَكْ
كُلُّه مِسَجَّل لِيك فِ دَفاتِر
******************
اِرضَى بحَظَّكْ مهما يكُون
لو عندك أزمَه..بُكرَه تِهُون
ليه مَقمُوص؟ واخِدلَك ساتِر
بَلاش تِتغَر فِ اِلأشكَال
دا عَرَبيَّه ودِي خُلخَال
وِعَلَى سُور ڤِيلَّا كَام تِمثَال
اِلكُل يا وَلَدِي بُكرَه مِسافِر
ليه تِغواهَا وِفِيها تِعافِر؟
****************
إمَّا تِسِيبهَا وإمَّا تِسيبَكْ
قالوا عَليهَا زمان غَدَّارَه
ليه بِتخَلِّي سِهامهَا تِصيبَكْ؟
زَي الشَبَكَه فِ السِنَّارَه
اِسْمَع ياابني كلامِي للأخِر
اِسْمَع مِنِّي وِخَلِّيكْ فاكِر
*****************
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.