نفسي أكون بعرف أكتب
أو حتي أغني الأغاني
كنت يمكن أعرف أوصف
أوجاعي من زماني
أحكي الحكاية من البداية
ومش هسيب سطر غايب
أوصف جروحي من الحبايب
أشكي حبيبي وهو غايب
ازاي قدر يكون سهم صايب
أثبت إن قلبي ف حبه خايب
و أيامي كلها هم ومصايب
نفسي بدمي أكتب حكايتي
نفسي أكون بعرف أكذب
و أحكي زيك ألف كذبة
أقول باباي ومامي
وعندنا فيلا وعزبة
نفسي أكون هاديه وبارده
أدبح وأجرح الحبايب
نفسي وعودي متكنش سيف
وتكون كلها خداع وزيف
نفسي أنساك وأهاجر
ميكنش بعدك خناجر
أكون زيك قاسيه وعنيده
والأكيد إني أكون بعرف أكتب
كنت يمكن أعرف أوصف
همي ووجعي فيك
#امل عبدالله عابد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.