موال البحر
البحر قاللى انسانى
بطل تشكيلى تانى
صوتك بقا منبوح
بطل كفاية نوووح
موجى اتملا بدموعك
يا بحر يا غدار
انتا سبب النار
كترت فى الاشرار
وانا همسي ليك اسرار
قاللى يا موجوع
بطل كفاية دموع
دنا بحر موش انسان
حملك عليا زاد
ابعد بعيد عنى
وكفاية تقتلنى
اشكى بعيد عنى
دة الشط مخاصمنى
يا بحر لية قلاب
مكفاية بقا عذاب
خليك حنين لينا
بطل تقلب فينا
دة ذنبنا مكفينا
يا بحر قلبك فاضى
صوت الانين بقا ماضى
بكفاية حرقة دم
شيلنا المرار والهم
مالك حزين وتغم
كلك مرار ومالح
ومحدش فينا صالح
كلة بتاع مصالح
ابعد بعيد عنى
انا بحر موجى بيجرى
موش دم ونبض وروح
انا زيك انا مجروح
ابعد بعيد عنى
بطل تشكى منى
الشاعر يسري خليفة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.