مواويل الليل ....منتاش عايش ...بقلم الشاعره المتالقه ..ياسمين السعدني
*********************************************************************
منتاش عايش ف متكابرش
اديك تايه مبتفكرش
كام واحد سالك مالك
كان حد اهتم بحالك
حتي الصاحب عكاز
كان قاصد يكسرك نسيت ياعني
ولا باللي فاتك افكرك
احتاجت لمين ووقف جمبك
كام واحد قالك انا سندك أصبح سايبك
كان مين ليك ياعني شعاع من نور
بالعند كان قاصد يعميك
م تصارح نفسك وتقول
مين كانلك ياعني شعاع م نور
م تجاوب نفسك ياعبيط
سندك كان حيطه مايله
مع الاحزان بتذيد ميل
طب فاكر صحبك الوفي
اهو اكبر شوكه مزروعه
ف هد الحيل ف ذادك وجع
عدد الاحزان بقا حاصل ضرب
امواج البحر والمحارة و الودع
وحاصل ضرب النداله ف الجدع
كان مين اهتم ياعني انت عايش ازاي
مين قالك انا فدا عمرك الجاي
مين ياصبي ..
مين ياعني كانلك يوم نبي
مين دام جمبك م تفوق بقا
م تفوق بقا يا غبي
رتب ايامك واحزانك علي ورق
ومع كل ورقه اكتب مين اللي افترق
مين كان ياعني مختلف
اكتب عن اللي
كان في وجعك محترف
نضف قلبك من اوجاعك
ومن اللي اتفقوا ع خداعك
مين كانلك كسر ف ضلوعك
وعن اللي خرجت من طوعك
وعن اللي اتسبب ف دموعك
شمس الاحزان تشرق بس بطلوعك
طب افكرك باللي كانلك يوم جرح
واللي كان حابب يداويك
ف حط ف وسط جروحك ملح
وجنانين قلبك بالاوجاع بتطرح طرح
والمواويل والمواجع ف عز الليل
كنت فاكر نفسك قال ياعني قوي
منتاش قوي يا عويل
مع كل موجه بتكسرك
وتقول هتعدي
دورت ع كتف يشيل
قالك منتش ف الأوجاع قدي
حتي الزمن كان قاصد يكسرك
ويجيب ف الاحزان ويودي
الجرح والحزن والليل
والوجع وعذابك والمواويل
محسوب عليك كل شيء
وحالف يمص منك دم
ف شكلك كدا دايملك
تعيش ف هم وغم
م تفهم بقا ياغبي
مكتوبلك ياعني
الشعر الاسود يبيض
مع انك صبي ..
مبرروك ياجمييل عقبال ما تخدى الجرائه وتطلعى على الاستدج كده وتقولىى بصوتك ياجميل مبروك ومن نجاح لنجاح
ردحذف