ورد وشوك...بقلم الشاعر المبدع ...#Omer_Jamal...
*******************************************************************************
*******************************************************************************
بقلـمي .... ورد وشوك
عـن حبـك انـا مرتـد
هبعد عنك مليون مـد
روحي من الألم بتموت
بحري من الدموع امتـد
ضد الموج انا غرقان
قلبي إثر الحب اسوّد
مات الحب .. مات النبض
و نَفَسْ الحب مادامش لحـد
سلاماً لمَن خانوا العهـد
حصدت الشوك بزرع الورد
قالوا ان الحب إحساس
قالوا النظرة أصدق وعـد
انا أعمى تايه ف دموعه
سافر ف العشق لأبعد حـد
هسأل نفسي وقلبـي لعل
الآقي جواه لسؤالي الـرد
ليه الحـب كبير ف عنـيا
ومن مباراته واخد طرد
مشاعرنا ف الحياه بتموت
متـروكة .. مهمله ب البـرد
و كأني ف دور طاولة محبوس
وهمـا بيـطـلعـوا بـالنـرد
خساره قلبي يعيش مجروح
أحس إنـي مش بـاقي لحـد
الموت بيحاوط روح عاشقه
الجرح عميق و الوجع اشتـد
والروح بتروح والصوت بينادي
هاتو عزيز ساكن ف فؤادي
الشمس بتـطلع بعد غروب
الروح بتموت في مساء عادي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.