عهد للشاعر \ مصطفى فريد

 عهد

للشاعر / مصطفى فريد

طلعوا الملايكة على الصفين

يقابلوا اللي فى حياتي ونيس

بالفرح والزينة والأناشيد

حرس وكان بينهم عريس

طاير وشايفة مبتسم

بيشاور وله جناحين

شوفته فى نومته ملاك

إختاره رب العباد

لجل يكون جاره

كل الجيران مترصصة

لجل العزا.

فى أجمل حبيب

سابني وفات روحه

تضلل على روحي

فارد جناحات الايمان

خطف الفؤاد وياه

العين بتحلم ليلاتي

بعد الفراق بلقاه

جوايا ساب الفراغ

يخنق فى أحلامي

ابو قلب أخضر عفي

لبى الإله دعواه

خلاه قريب منه

أبويا اللي كان محبوب

ساكن قلوب الناس

صورته فى جوف الليل

باشوفها بتجبني

وتخبط على الشباك

اقوم بشوق ملهوف

اخده فى احضاني

واصدق انه قريب

تفوق روحي من الاوهام

وتهرب لحظة التوهان

اعود تاني لحلم زمان

واحس امان دفا صدره

وكتفه اللي رفعني كتير

وإيده لما بتطبطب

على كتفى فى وقت ما اخاف

اعاهدك يابا وفى نومتك

اعيش ساير على خطك

لا زيف الدنيا يدخلني

يلوث كل ما بنيته

ولا يخدعني كدب المال

واتحول عن المضمون

ولا غش الصحاب يقدر

يغير فيا طوق عهدك

عرض الرؤى

معدل وصول المنشور: ٥٣

٣صباح النرجس، Badr Sami وشخص آخر

٤ تعليقات

أعجبني

تعليق