#كان ناوي.
بقلمي#سولافابسيوني
قلبي عليه موجوع..
لكن بصبرنفسي.
وأقول بلاها دموع
أبدا مهوش منسي .
طريقه ما في رجوع
غابت خلاص شمسي.
مابقيتش قادرة أفرق
يومي من أمسي.
كان ناوي ع الرحيل
وفاتنا نتألم م البعد.
قلوبنا من الوجع
صرخت صرخة
تفوق الرعد.
خايفة من الفراق
أو إنه يوحشها
وتفوق من الغفلة
تلقى الألم دا بجد.
تلقى الغالي فارق
وفات وراه
كراسته وطريقه
الواصل بيه لحد
مدرسته وهدومه
جوا دولابه وقلمه
مكان ما سابه
شايفه الحاجات
بتنادي مشتاقه
في بعاده.
للمسة من إيديه
لصوره لاصحابه.
لصوته لما كان
مالي المكان
بحكاوي وكلامه
لما يداوي.
كان قلب أبوه
بيحس وإن شاف
أخوه زعلان يقلبها
لغناوي.
يرتاح في حضن
أمه ومين بيها
يساوي ع الفرح
كان ناوي لكنه
مش مقسوم
يفضل هنا وسطنا
ويعيش معانا هموم.
فرحه هناك ف الجنة
دي نعيمها فيه هيدوم
واليوم يجيب اليوم
والدنيا منفاته
وسنين بينا بتجري
والعمر مهما يطول
مسيره لرفاته .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.