قرن الخرتيت
عندي حكاية خفيفة بسيطة
راح أقولهالكم من غير زيطة
فتحوا عينكم هاتوا ودانكم
واللي مايسمع ودنه عبيطة
كان ياما كان ومازال للآن
سمو أمير السندستان
إبن الإيه القسطنطيني
السيد فارس بني خيبان
شاغل باله ببلدي تملي
ومشغول أكتر بالمتولي
فاكر نفس جنابه خليفة
وعلى راسه التاج العثمانلي
إعمل مابدالك وبشوقك
إحوي التعابين جوه شقوقك
زيف والس فض مجالس
شقلب وإقلب تحتك فوقك
بس إسمحلي أقولك كلمة
وكلمتي تحلى في وسط الضلمة
أصل طرازك حاجة مفتخرة
ما يملا عينيه غير سكينة تلمة
صحصح فوء أنا مصري حويط
موصوف لي أدي التيت شلاليت
قوم بمزاجك وإقلع تاجك
وإلبس بقى قرن الخرتيت
بقلم طارق السيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.