..عليه العوض . بقلم شريف توفيق

 ..عليه العوض ..

عليه العوض ..
ومنه العوض ..
فيكوا يابني آدمين..

خلق عجيبه ..
نسيوا الطيبه ..
بأطماع كده عايشين..

ناس عايزه تكوش ..
تلم فلوس وتحوش ..
ما أن الكفن ملوش جيبين ..

ليه جاين علي بعض ..
كارهين الخير لبعض..
ده القبر متر ف مترين ..

كده أنتوا في الأذيه ..
قلوب سوده وقويه..
من خلق آدم ليوم الدين ..

دماغ في الشر بتمشي..
في الخير م أفتكرشي..
في ظلم بعض شاطرين ..

فتح مخك لأجل تعيش ..
نغمه ف حياتنا ما تنتهيش..
عمله رايجه من سنين ..

أزجال
شريف توفيق
مصر
٢١-١١-٢٠٢٠م