عادل جاد
الدنيا.... جنتها زور
*******
الدنيا جنتها وهم وزور
البشر بالدنيا مغرور
بزهوها عمره مفتون
فاكر فيها الهنا والسرور
زهوها سحر كل العيون
بتهيئ الظلام له نور
البشر بطبعها جهول
بنعم ربه عليه كفور
نسى أن عنها مسئول
لغيره م البشر مذلول
بيبنى ويعلى القصور
بيحسن بالدنيا الظنون
الأيام بتلف وتدور
اللى بدنياه يصول ويجول
فى لحظة منها بيزول
ع الأكتاف محمول
نهايته سكن القبور
لا هينفعه مال وبنون
يابن آدم نهاية القول
كفاية أنبهار وذهول
يالا ع الدنيا ثور
تبقا من ربنا مجبور
تبقا ف الآخرة منصور
لرضا ربنا وجنته تنول
دا الدنيا مهما أتزينت بور
الشيطان لرضا ربك عزول
يالا بقا كفاية إجهاد
دا العمر مهما قصر أو زاد
راحوا فين بس الأجداد
اللى قبلك أيه م الدنيا خاد
لكل واحد للقاء ربه ميعاد
خليك مع النفس بحهاد
دا أنت النهار ده موجود
بكرة م الدنيا مطرود
الدنيا لله بتفى بالوعود
يالا بالعمل الصالح جود
بلاش تبقا بنعم ربك جحود
قبل ماتبقا جيفة ودود
******
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.