دكتوراه جهليه
من ديوان / سنين المخاض
للشاعر / مصطفى فريد
يا جاهل زمانك بيصعب على
غبائك ساعات
ولما فى جهلك بيرمح طاووسك
بتنسى اللى فات
دا مين اللى قال لك بجهلك حـ تقدر
تفوق الكبار
وتكتب مشاعرتعلم بإسمك
لبعد الممات
يا فاهم وواهم فى احلام غرورك
بأنك كبير
وان بتكتب كلام له علامه
وفكرك خطير
بكل الأمانه كلامك مهانه
فى حق الأدب
وحرفك بيرسم غباوة خيالك
بصوت مستجير
مزعت توب الاصول وجاوزت
حق الأدب
وواجب علينا نرد بإيدينا
حقوق الادب
مادام عم بيرم وشوقي وصلاح
تلامذه فى رحابك
إسمح لي أقول لك دا يبقى تطاول
وقلة أدب
نفسك تكون زينا فك الرموز قبله
وإعرف جميع الفوارق بين عنتره وعبله
وان كنت فى غاوي الكلام واللت ع الفاضي
هتعيش بعيدعننا وتموت وحيد أبله
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.