مـــنــصــــوره يــا مــصـــر
منصوره يا مصر يامنصورة
بعزه ونصر
منصوره ياأمي في الصوره
وعلامتك نصر
أولادك بدور حواليكي
وحولين القصر
بتمد إديها وتسلم
بعزه وفخر
ياحلاوتك يا صبية بأفراحك
وعظمتك نهر
وعيونك شمعة بتنور
وفي كل عصر
إحكيلي تاريخك ياأمي
أنا عايزك فخر
متردي عليه وحياتك
يا حببيتي يا مصر
خليني معاكي وفي حضنك
لآخر العمر
أنا شاب صغير بدلع
وحياتك عندي أنا مولع
عاهديني وخليني أرجعلك
ياحببتي يا مصر
إعملي الكوشة بالزينة
وعليها علامات مضمونة
وعهدك بالحب أصونك
عهديني يا مصر
أنا شايفك ماشية في طريقك
وكلك فخر
الكل التف حواليكي
أنا شفت الفرحه في عنيكي
يا حببيتي يا مصر
دا حكايتك فيها أسطورة
وبتلمع دايماً في الصوره
أولادك حواليكي بتسلم
وفي كل حته أنا بتكلم
يا حببتي يا مصر
الشاعر سمير فرج شادي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.