.. عادي . بقلم شريف توفيق

 .. عادي ..

جيت الحياه ولاحاجه..عادي ..

بكره همشي من غير حاجه..عادي..

بعيش حياتي.. طولها وعرضها ..عادي ..

معايا أومعيش.. ما تفرقشي .. عادي ..

أضحك يوم وأحزن تاني ..عادي ..

انظلم في حياتي .. اتعذب..عادي ..

يدي.. تدي.. ماتخدش.. عادي ..

تعمل جميل مايطمرش .. عادي ..

ناس.. ينكروه.. ينسوه.. عادي ..

دمعه علي خدي.. عادي ..

وبسمه تعدي قصادي.. عادي ..

بشر في وشك بوش .. عادي ..

بشر في ضهرك ..

وش تعلب.. أعادي ..

دنيا ماشيه بالمعكوس ..

تصفي معانا تعكر نفوس ..

كله عادي ..

ناس وشوش تعابين .. سم مسموم سكين..

كله عادي ..

ناس بتحيه وكلام يعظموك..

ناس في اي مشكله يشنكلوك ..

كله عادي ..

بقلمي

شريف توفيق 

القاهره/٢٦-٩-٢٠٢٠م .