تعظيم سلام
*************
تعظيم سلام للمفتري
وان شاء الله انت تتبري
ياضحكتي وسط الوجع
الخوف اهو مين يشتري
تعظيم سلام لابن الغفير
اللي بيرقد ع الحرير
وبصوت جهير صوت ضحكته
والجزمه على راس الفقير
يا لوعة القلب اللي شاب
ماشي الطريق من غير حجاب
والكل شايف خطوته
بيقولوا عنه أنه خاب
ضاقت معاه سبل الحياه
والصبر عدي منتهاه
والحزن خيم ع الصدور
والفرح شارد مين .. لقاه ؟
دمعه بتبكي ف كل عين
بتنادي على ناس تعبانين
هو انتوا قاعدين ف الحياه
ولا القدر راح
... بيكوا فين
************
عمرو تمساح ابوسفيان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.