بيبو السويفي.
إيه اللي حصل فيكي يا دنيا
ليه السواد جواكي زاد
يوماتي نصحي على عويلك
أو طير بيعوي بعده حداد
نقوم ندور حوالينا
على حد مات من العباد.
ساعة بتجري وراها ساعة
نلاقي اللي يفرش في صوانك
نمسك سيجاره وولاعة
وننفخ في الهوا دخانك
لحد ما يجي سواد الليل
ننزل و نسمع قرأنك.
عملنا ايه فيكي يا دنيا
عشان تبلينا بالحرمان
من ناسنا وكل حبايبنا
من الصحاب ومن الجيران
لا ركعه ولا سجده تفوتنا
دا احنا اللي بنسجد للرحمن
ايه اللي حصل فيكي
يا دنيا وليه السواد جواكي زاد
يوماتى نصحي على عويلك
أو طير بيعوي بعده حداد
&&&&&&&&&&&&&&&
بيبو السويفي... كلمات موثقة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.