$$$مدد آل البيت$$$
للشاعر/صابر الشناوى
*** *** ***
طار في الهوي شالها
طرف عيني ولا تقصد
آسره الحسن بجمالها
حلفت بربي وما اعبد
ادفع عمري لوصالها
لو أنول الود والمقصد
وعينها بايدي اكحلها
وأشوف شفايفها تتنهد
وصلت لابوها ولخالها
قالولي اهدي كدا واقعد
اللي انت جي لوصالها
حوريه وجايه تتعبد
وشالها اللي طرف عينك
دا طرف السبحه ف اديها
وندعي ربنا يعينك
تكون عابد في محرابها
صلاه الوتر هتزيدك
صلى كمان وجربها
دا ملك منظمه سيدك
ودي اسباب مسببها
تكون عينك سبب سعدك
تفوت الدنيا وتسيبها
وتوفي للاله وعدك
تكون من ضمن احبابها
وصلي على النبي حبيبك
ابا الزهراء وأولادها
دي ست السيده زينب
رساله وجايه من شالها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.