الملاك الأبيض
عبدالمنعم عدلى..مصر
نادوا وقالوا
تعالوا يامصريين
نقف ونحلف اليمين
ونهتف للراجل الأمين
أبو نظاره وسماعه
وبالطو أبيض
ومعاه الملاك الحزين
واقفين سهرانين
لأجل إبتسامة مريض
هو ده الإنسان
اللى واقف
فى الميدان
شايل سماعة
سلاح الزمان
ذى الجندى تمام
واقف على الحدود
شايل سلاح البارود
بيحمى البلاد
إبكى ياعين
وسيلى الدمع كمان
وخلى القلب
ينزف مخاض الولادة
ولادة جيش
واقف فى الميدان
جيش الملاك الأبيض
بيحارب مرض الزمان
سجل ياتاريخ
مولد جيش جديد
كنا عرفينه من زمان
بس التراب
عفر على
مخ الإنسان
قوم يامصرى
ونفض التراب
وتعال معانا
وإحلف اليمين
للملاك الأبيض
وصحى الروح
فى قلوب المساكين
وتعالوا تعالوا يامصريين
نقف ونحلف اليمين
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.