(مقالة ايفاعية بالمحكية المصرية عن علم التنمية البشرية) بقلم ..مرقص اقلاديوس

 درس علم نفس و حساب مثلثات

(مقالة ايفاعية بالمحكية المصرية عن علم التنمية البشرية)

بقلم ..مرقص اقلاديوس

........

فيه ناس بتقول السعادة علم. و ناس بتقول السعادة فن.

و ناس بتقول السعادة عمل.

و ناس بتقول السعادة ليست بماذا و لكن بمن

.....

السعادة في الحقيقة معادلة. بين الرغبة و بين القدرة.

فيه واحد نفسه في حاجات كتير و ما يقدرش.

و واحد قادر على حاجات كتير لكن ما يرغبش.

عجيبة. ... ليه...هأقول لك...

.....

أنا واحد من الناس عاوز الف الارض سبع لفات.

ينفع....... طبعا ينفع.

عملها الإنسان كتير ..بس لو فيه فلوس و فيه صحة , 

و فيه عمر فاضل يسمح بطول مدة الرحلة.

و فيه واحد باللي معاه يقدر يسعد ناس كتير لكن مش عايز.

طب مش عاوز ليه.

ياريت حضرتك لما تقابله تبقى توجه السؤال ده ليه.

.....

لكن الرغبة و القدرة بيحكمهم معامل تالت.

معامل الإرادة..

العقل اللي ربنا اداهولنا بزيادة, 

و اللي احنا ناسيينه و مش عارف ما بنفكرش ليه بيه يا سادة.

....

و المعامل الرابع الإلتزام , 

فيه واحد فى سبيل رغبة, يخسر ربه و يخسر صاحبه, 

و يخسر نفسه.

و يا خسارة يا خسارة، يا ريت ما تنساش ,

ان الدنيا ما تسواش .

...

اتمُنى...

قد ما تقدر اتمُننى اللي تقدر عليه.

و ابذل مجهود.و اصدق للخير النية و قول يا رب.

و راعى ربك , و حافظ على صاحبك.

و اعتبر دايما،،،،

إن اغلى ما في الحياة كرامتك.

اوعاك تعيش طماع، تطارد أمنيات سراب.

و افتكر دايما دايما..

إن العين ما يملاهاش غير التراب.

ملاح بحور الحكمة..مرقص إقلاديوس