... *** سنين عجاف *** ...
ضاعت فلوسك يابلد
علشان قانون فوق الورق
لحد شاف اللي بنى
ولاحد مسك اللى سرق
الأرض بارت والولد
من شر حاسد إن حسد
كرباج يقطع فى الجسد
والواد لاقش ولا أتحرق
حتى المساجد فى الازالة
والحرب بين عمة وخالة
العقل تايه فى الغزالة
والعلم ضايع فى السبق
سنين عجاف بنعدها
ومصر ماشية لمجدها
الفتوى تاخد حدها
والمفتي عايش فى النفق
الفايدة فين يا أبو الصحاب
الكل يخسر فى الحساب
قانون بيكسر فى الرقاب
و العرش فى القرش اتخنق
بقلمي .. الشاعرناصرعطامحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.