... *** إنتصار اكتوبر ١٩٧٣ المجيد *** ...
في النصر أحكي غنوتي .. ع الرملة والميه
قناتي تشهد يابطل .. ع العهد والنيه
بطل المعارك قصتك .. عزم وجهاد وكفاح
ومصر هي جنتك .. فيها الأمل طراح
شاف اليهود قسوتك .. طلبوا رضا وسماح
المصري جندي محترم .. بسفينة أو بجناح
اصل الرجولة عندنا .. والسريا والمفتاح
فى النصرأحكي غنوتي .. تاريخ ومجد وعيد
قناتي تشهد يابطل .. اكتوبر المواعيد
وقفنا في لحظةغضب .. يوم سته بالتحديد
بارليف محصن باللهب .. قايد لهيب وعنيد
المصري عزم وجلد .. لان الحديد لحديد
إحنا ملوك الجدعنة .. كل العرب إخوات
نحمي حماكي يابلد .. فى البحر والسموات
إبنك يامصر خبير .. فى الحرب والتعمير
الجندي جنب مشير .. يحتفلوا يوم العيد
الف مبروك للجيش المصري والعربي
وللشعب المصري وللأمة العربية
ذكرى انتصار اكتوبر ١٩٧٣ المجيد
بقلمي الشاعر ناصر عطامحمد
بقلمي..Nasser Atta
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.