الخاين
--------------
اوعى تآمن يوم للخاين
حقده واضح ايوه وباين
ابدا عمره ماهيصفالك
لو تزرعله الصحرا جناين
الخاين كاره لنجاحك
ولايتمنى يوم افراحك
هو كده وطبعه كده
بيزود دايما ف جراحك
الخاين دايما كداب
بيفرف بين الاحباب
يكره دايما اي تجمع
كاره لتجمع الاصحاب
الخاين خواف وجبان
وافكاره ملهاش عنوان
عايش يهدم طول العمر
وعمره ما يسعى في البنيان
الخاين عمره ماهايرتاح
إلا ويملا الدنيا جراح
ماشي دايما بين الناس
يهدم فيهم اي نجاح.....
--------------
بقلمي رمضان عبد الله آحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.