طبع الحياة عجب
(خاطرة ايقاعية باللغة المحكية المصرية)
(بقلم..مرقص إقلاديوس)
.........
أوقات الحياة بتقسى أوى.
اللى بيحب الجمال،قانون الجسد يحرمه من النظر.
و اللى بيحب الألحان يتحم عليه يسمع قليل ,
و الصوت العالى يبقى عليه خطر.
لكن تصدق , اللي بطل يشوف يبتدي يسمع غناوى
و يطول بيه السهر .
و اللى ما بيسمعش يبتدي يتأمل في شموخ الجبل.
ويسمع بروحه هدير البحر,
اللي شايفه على مدى النظر.
اوعاك في يوم تنسى رحمة ربنا...
من يعطي الحياة لمواليد البشر.
من يمن علينا بحبات المطر.
من خلق لنا شجرا يعطي الثمر.
و الثمر نفسه بداخله خشب الشجر.
من علق أرضنا في الهواء......
و سمح للرياح على أرضنا بالسفر.
من يحب المخلص الوفى
و يقبل برحمته من خان و من غدر.
مش عارف ليه القلوب بتقسى أوي.
مع إن ماحدش ضامن بكرا.و لا يقدر مهما كان سلطانه,
يرّجع ثانية..من عمره اللي ضاع هدّر.
ملاح بحور الحكمة..مرقص إقلاديوس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.