((( كِـفايه )))
***********
يا عيون
سرقت من فؤادى السنين
يا ضحكه مصلوبه
على جدار الهموم
يا ضحكه طالعه من قلب قبر
ساكن فى قلب العين
يا ظنون
لون العيون
متغرّب
والغنوه كدّابه
حتى الأغانى كلها
لحنها مقتول
وضلمة الليل
رقصت على الناى الحزين
وصوت البومه فوق الشجر
قطع الوتر
هز الجبل
وفتح بحار العين
امته خيط النهار
يبان
ولسه الفجر من ستين سنه
هربان
لسه حلم البطل اللى مات
جبان
فين اللى بيبيعك يا موت
انطق ياحجر
كفايه سكوت
كفايه الصمت خيّـم
على لون البيوت
كفايه الحلم اللى عاش
بين خيوط العنكبوت
كفايه الأمل اللى متحطّـم
بين ادين الاخطبوط
كفايه صمت
كفايه صوت
كفايه ثرثره أو سكوت
كفايه ان الأمل مولود
فى قلب موت
***
فيصل بدر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.