جرب تطلب
أطلب قلبي يجيلك
حبوا عالوجدان
ويتمنى يكون أسيرك
ماهو بحبك هيمان
أطلب حبي يسكن قلبك
ويفرد شراعه على الشطئان
وينهل من بحر ودك
ماهو قلبي لودك ظمئان
أطلب ياحبيبي ومين أدك
واطلب مني عمري كمان
واسأل قلبي اللي بيحبك
عاشق لجمالك الفتان
كل منايا اسكن ظلك
وأكون زهرة فى البستان
واطفي نار الشوق فى حضنك
واكون صاحي واعمل نعسان
لاجل ماافضل دايما جنبك
وتطفي شوقي بالحنان
أطلب مشاعري تحن لك
بس أنت أفتح البيبان
افتح لها بيبان قلبك
تسري فى الوريد والشريان
هتقولك ضمني بإحساسك
ولكل الكون تصدر بيان
انها فازت بحبك
من بعد قضى ليالي سهران
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.