عادل جاد
العين بتشوف ... غلط
********
القلب بقا حجر وزلط
العين بتشوف غلط
القلب كله حقد وغل
آه الغنى للفقير ذل
الفقير من حياته مل
البؤس للمجتمع هل
الوجع بالصدر طال
الهم عليه جبال
عشان همه بس المال
المال موش فيه حنان
أو راحة بال
السعادة وياه بزوال
أتعلم م الأزهار
فيها كل الجمال
تملى ترمى ثمار
بلاش تكون مسعور
أتعلم م الطيور
مفيش عندها هموم
رزقها يوم بيوم
الطمع ببكرة معدوم
الهم بينا بلغ مداه
الكل عن الحق تاه
مفيش تقوى لله
بلاش تكون جبان
تتعشم فى فلان
العشم ف المنان
فرق بين النور والظلام
أعرف الحلال م الحرام
زيح من صدرك أى غيام
أحضن جواه الإيمان
ربك ليك موش ظلام
خلقك وعليك حنان
أبدا لك ما هان
ولا بوعده لك خان
أنت بنعمه كلك نكران
تملى له بنسيان
بيتعيب فى الزمان
والعيب فيك ياإنسان
تملى ف الدنيا طمعان
بنعم الخالق كفار
عيبك كله ف اللسان
موالى للنفس والشيطان
ماشى ورا النسوان
سايب لهم اللجام
أخرتك خسران خسران
*******
بقلم
عادل جاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.