من كتاب أغانى الشاعر/إبراهيم راجح
******
بَعد إيه
لِسه فاكرة ..بَعد إيه بتكلمينى ؟
بَعد ماضاع الهوى بينك وبينى
للماضى تانى وإللى فات بترجعينى
إشتقتى لِيا .. وبَس جَايانى تشوفينى
زَى ماسبتينى نادم
ودَفنت صورتك جوه عينى
إرجعى وإنسى إن كنتى ف يوم حبيبتى
يوم مااتقابلنا .. كانت غلط كل حساباتى
جَدول الضرب إللى عَندى كان مزوَر
إرجعى وإنسى خالص
موقعى فوق المِجَرة
إطلعى من عمرى بَرٌه
مستحيل تنبت بذورك
مرة تانية جوه طينى
بعد إيه بتكلمينى ؟!
*****
راجح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.