للهجرة درس وعبرة لكل المسلمين
ولكل من امن منكم بمحمد الامين
اهجروا الكدب دايم والوقيعه بين البين
خلى لسانك دايما بالصدق يقول امين
خلى قلبك دايما يتمنى الخير للناس
ويحس بالفقير والمحتاج بكل حماس
ونهجر الانانيه والتعاون يكون اساس
ونمد ايد المساعده ونساعد وباحساس
نهجر عادات قديمه بتسبب لينا الام
واللى عنده عيب مش لازم عليه يتلام
تعالى ناخد بايده وبخطوه للامام
ونقوله عيش الحياة بسماحة وبسلام
اهجر طبعك القاسى وعيش كانسان
دايما يحس بغيره ويحس بالامتنان
ويخلى كل الناس تحس بالامان
زى ما وصى دينا ونبينا هو كمان
اهجر اى عاده دينا نهانا عنها
وسنة نبينا هى اللى تحل مكانها
والكل يعمل بيها ولايغير سننها
وباية من الكتاب هو ربى انزلها
اهجر كمان الزيف والغش فى الميزان
يوم القيامه حساب وعقاب يكون كمان
وعملك حيتوزن عليك كمان بميزان
واللى راح يحاسبك ربى هو الرحمن
خلى ميزان اعمالك بالخير يكون مليان
واعمل الخير دايما لجل ماتصبح كسبان
وابعد بالشر دايما وبلاش تكون خسران
اكسب اخرتك واوعى تصبح كمان ندمان
اهجر صديق السوء واياك تتقرب ليه
تتعلم من اخلاقه وتكون شبيه بيه
صادق ابو قلب طيب وتشوف الطيبه فى عنيه
وتكون منه قريب ويكون قلبك عليه
يااللى تهجر صفات انت شايفها فيك
بتزعل منك اهلك واصحابك واللى ليك
صدقنى مش حتندم والكل حيراعيك
ويتمنى ترضى عنه وهو كمان يراضيك
راوية حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.